काठमाडौं । १४ किलो सुन बरामत भएलगत्तै नागढुंगा नाकाबाट पनि प्रहरीले दुई केजी सुन बरामद गरेको छ।
उपत्यका अपराध अनुसन्धान कार्यालय, काठमाडौंले नागढुंगबाट दुई किलो सुन बरामद गरेको एसएसपी सोमेन्द्रसिंह राठौरले बताएका छन् ।
उनका अनुसार दुई केजी सुन रसुवा नाकाबाट काठमाडौंतर्फ ल्याइँदै थियो ।
रसुवाबाट काठमाडौं आइरहेको ०१–०२८ च२६९६ नम्बरको स्कोर्पियोबाट उक्त सुन बरामद भएको उनले जनाए ।
प्रहरीले उक्त सुनसहित तीन जनालाई पक्राउ गरेको । पक्राउ पर्नेमा रसुवाको गोसाइकुण्डका ग्यालछिङ तामाङ, बिरु तामाङ र सुनिल भुजेल रहेको प्रहरीले जनाएको छ ।
प्रतिक्रिया दिनुहोस्
