काठमाडौं- तनहुँको शुक्लागण्डकी नगरपालिका-५ का ८१ वर्षीय कोरोना संक्रमित वृद्धको सोमबार निधन भएको छ ।
कोरोना संक्रमणसँगै निमोनियाबाट ग्रस्त वृद्धको आइसीयूमा उपचार गर्नुपर्ने भए पनि आइसीयूको व्यवस्था नहुँदा मृत्यु भएको हो ।
स्थानीय जिपी कोइराला श्वासप्रश्वास उपचार केन्द्रको आइसोलेशनमा उपचाररत वृद्धको निधन भएको हो ।
अवस्था नाजुक हुँदै गएपछि विभिन्न अस्पतालमा आइसीयू सेवाका लागि पहल गरे पनि कतैबाट सहयोग नहुँदा आइसोलेशनमा नै निधन भएको केन्द्रले जनाएको छ ।
केन्द्रका कार्यकारी प्रमुख डा.रामकुमार श्रेष्ठले आइसीयू अभावमा बिरामीले ज्यान गुमाउनुपरेको बताए ।
प्रतिक्रिया दिनुहोस्
