आज चैत्र अमावस्या हो । चैत्र नवरात्रि पनि केही घण्टा पछि सुरु हुनेछ। आजै सूर्यग्रहण लाग्दैछ । सूर्यग्रहण मीन रेवती नक्षत्रबाट लाग्दैछ ।

यसका साथसाथै यस सूर्यग्रहणमा धेरै यस्ता दुर्लभ योगहरूको संयोजन पनि बनिरहेको छ, जसले सबै राशिमा शुभ र अशुभ प्रभाव पार्ने छ ।

सूर्यग्रहणमा दुर्लभ संयोग

यस सूर्यग्रहणमा धेरै दुर्लभ योगहरू बनिरहेका छन्। वर्षको पहिलो सूर्यग्रहण निकै लामो छ । यो ५४ वर्ष यताकै लामो सूर्यग्रहण हो । यो ग्रहण करिब ५ घण्टा २५ मिनेटसम्म रहनेछ ।

यसअघि सन् १९७० मा यस्तो लामो सूर्यग्रहण भएको थियो । यस पूर्ण सूर्यग्रहणमा पृथ्वीको धेरै भागमा पूर्ण अन्धकार हुनेछ।

सूर्यग्रहण कतिखेर ?

सूर्यग्रहण आज नेपाली समयअनुसार राति ९:२७ मा सुरु भएर मध्यरात २:३७ सम्म जारी रहनेछ। यद्दपि यो सूर्यग्रहण नेपाल र भारतलगायतमा देखिने छैन । त्यसैले यसको सुतक अवधि यहाँ मान्य हुने छैन।

यो सूर्यग्रहण पश्चिमी युरोप, एट्लान्टिक, आर्कटिक मेक्सिको, उत्तरी अमेरिका, क्यानडा, मध्य अमेरिका, दक्षिण अमेरिका, इङ्गल्याण्डको उत्तर पश्चिम क्षेत्र र आयरल्याण्डमा देखिनेछ।

सूर्यग्रहणले यी राशिहरूलाई अशुभ प्रभाव पार्छ

आज लाग्ने सूर्यग्रहण मेष, वृश्चिक, कन्या, कुम्भ र धनु राशिका लागि राम्रो छैन । यस्ता व्यक्तिले अलिकति होसियार हुनुपर्छ । आर्थिक हानि हुने सम्भावना छ । जागिर वा व्यवसायमा समस्या वा अवरोधको सामना गर्नु पर्नेछ। कार्यस्थलमा सजग रहनुहोला । सावधानीपूर्वक सवारी साधन चलाउनुहोस्।

यो दिन यात्रा नगर्नु राम्रो हुनेछ। आफ्नो स्वास्थ्यको ख्याल राख्नुहोला। साथै, ग्रहणको खराब प्रभावबाट बच्नको लागि, गरिब र खाँचोमा परेकाहरूलाई सहयोग गर्नुहोस् र तिनीहरूलाई खाना खुवाउनुहोस्।

सूर्यग्रहणले यी राशिका व्यक्तिहरूलाई ठूलो फाइदा दिनेछ

वर्षको पहिलो सूर्यग्रहण केही राशिका लागि भने निकै शुभ रहनेछ । यी व्यक्तिहरूलाई आर्थिक लाभको प्रबल सम्भावना छ। यी व्यक्तिहरूलाई आफ्नो करियरमा फाइदा हुने सम्भावना छ। यी राशिहरू हुन्- वृष, मिथुन, कर्कट र सिंह। यी व्यक्तिहरूलाई नयाँ कामको प्रस्ताव आउन सक्छ। व्यापारमा लाभको सम्भावना छ । एजेन्सीकाे सहयाेगमा