काठमाडौँ । हाम्रो पात्रोले नेपाल राष्ट्र बैंकबाट मनी रेमिट्यान्सको लाइसेन्स पाएको छ । राष्ट्र बैंकले हाम्रो पात्रोलाई विदेशी विनिमय (नियमित गर्ने) ऐन २०१९ अनुसार लाइसेन्स दिएको जनाएको छ ।
सेवा शुरू गरेको २ महिनामै हाम्रो रेमिटले १० मिलियन अर्थात १ करोड रूपैयाँ नेपाल पठाएको थियो ।
रेमिटेन्स सेवाका लागि कम्पनीले सम्बन्धित देशका लाइसेन्स होल्डरसँग सहकार्य गरेको छ ।
हाम्रोपात्रोमा विनिमयदर, शेयरबजार, सुनचाँदीको मूल्यसूची, तरकारीको बजार भाउ, नोट, स्वास्थ्य परामर्श लगायतका फिचर पनि उपलब्ध रहेका छन् ।
यसलाई शङ्कर राज उप्रेतीले सन् २०१० मा सृजना गरेका थिए। इतिहासमै पहिलो पटक ५० लाख भन्दा बढी पटक अभिभारण भएको यो नेपालको सर्वाधिक लोकप्रिय एप हो ।