शरीरमा रगतको कमी हुनुको मुख्य कारण गलत जीवनशैली र खानपिन हाे । जब हामीले आइरनयुक्त खानेकुरा खाँदैनाै तब यस्ता समस्या आउँछन् । परिणाम हो हाम्रो शरीर बिस्तारै धेरै रोगहरुको चपेटामा पर्न जान्छ ।
धेरैजसो मानिसले स्वादिलो खानेकुरालाई महत्व दिन्छन् जसमा स्वादिलो हुन्छ तर, पौष्टिकता कम हुन्छ । जसका कारण राम्रो खाना भए पनि हाम्रो शरीरमा रक्तअल्पता हुन थाल्छ ।
रक्तअल्पता शरीरकाे निम्ति निकै घातक छ । जसकाे समयमै पहिचान गरी निवारण गरिनु अनिवार्य छ । यहाँ रक्तअल्पता भएकाे कसरी थाहा पाउने भन्नेबारे चर्चा गरिएकाे छ ।
यस्ता लक्षण जसले बताउँछ रक्तअल्पताकाे समस्या
● ओठ र नङको रंग परिवर्तन हुन्छ।
● थोरै हिड्दा पनि सास फेर्न गाह्रो हुन्छ।
● छाती दुख्न थाल्छ।
● निन्द्रा राम्रो नहुनु, आँखाको ज्योति कमजोर हुन थाल्छ र आँखामा धेरै प्रकारका समस्या आउन थाल्छ ।
● अक्सर, स्नायुहरूमा अलिकति दबाब पर्दा पनि शरीर वा हात खुट्टा सुन्न हुन्छ।
● अचानक शरीरको तौल घट्न थाल्छ।
● यसका साथसाथै मनमा अनेक किसिमको तनाव उत्पन्न हुन्छ र व्यक्ति चिन्तित हुन थाल्छ।
● शरीरमा रगतको कमी हुँदा हात खुट्टा चिसो रहन्छ । एजेन्सीबाट
