चलचित्र ‘कबड्डी ४’ र ‘जारी’को सफलतापछि दयाहाङ र मिरुना मगरको जोडी अर्को फिल्म आउने भएको छ ।
अनिल बुढा मगरको निर्देशनमा बन्न लागेको चलचित्र ‘घर ज्वाइँ’को मुख्य भूमिकामा दयाहाङ र मिरुना अनुबन्धित भएका हुन् । आगामी माघबाट छायांकनमा निस्कने फिल्मको निर्माता जनक घर्ती मगर हुन् ।
जिएम मुभी प्रोडक्सनको ब्यानरमा बन्न लागेको फिल्ममा दया र मिरुनासँगै बुद्धि तामाङ, पुष्कर गुरुङ, शिशिर वान्देल, राज थापा काउचाको पनि अभिनय रहनेछ ।
‘नाङ्गो गाउँ’मा काम गरिसकेका दया र मिरुना भदौबाट ‘रंङ्गेली ग्याङस्टार’मा पनि काम गर्दैछन् ।
प्रतिक्रिया दिनुहोस्
