नेकपा एकीकृत समाजवादीका अध्यक्ष माधवकुमार नेपालले एमालेविरुद्ध राष्ट्रिय सभाको निर्वाचनदेखि प्रतिनिधि सभासम्म सबै निर्वाचनहरू पाँच दल मिलेर लड्ने बताएका छन् ।
सोमवार झापामा आयोजित एक कार्यक्रममा बोल्दै अध्यक्ष नेपालले कांग्रेस, माओवादी केन्द्र, एकीकृत समाजवादी, जनता समाजवादी पार्टी र राष्ट्रिय जनमोर्चा मिलेर चुनाव लड्ने बताएका हुन् ।
उनले भने, ‘हामी पाँच दलीय गठबन्धन चुनावसम्मै जान्छ । केही समयपछि हुने राष्ट्रिय सभाको निर्वाचन, अनि उपनिर्वाचन, प्रदेश सभा, प्रतिनिधि सभा र स्थानीय चुनावमा सबै मिलेर लड्छौं ।’
उनले आफ्नो दलबाहेक अन्यको भविष्य नरहेको बताए । ‘नेकपा एकीकृत समाजवादीको मात्र भविष्य छ, अरू पार्टीहरू पत्तासाफ हुनेवाला छन्,’ अध्यक्ष नेपालले भने ।