काठमाडौं- आज (आइतबार) राति मुलुकका केही स्थानमा भारी वर्षाको आकलन गरिएको छ ।
मौसम पूर्वानुमान महाशाखाका अनुसार राति प्रदेश १, बाग्मती र गण्डकीका केही स्थान र अन्य प्रदेशका थोरै स्थानमा हल्कादेखि मध्यम वर्षा सम्भावना छ ।
तर, प्रदेश १, बागमती र गण्डकीका एक/दुई स्थानमा भारी वर्षाको समेत सम्भावना रहेको महाशाखाले जानकारी दिएको छ ।
दिउँसो देशभर आंशिकदेखि सामान्य बदली रही केही स्थानहरूमा मेघ गर्जन र चट्याङ्गसहित हल्कादेखि मध्यम वर्षाको सम्भावना रहेको छ ।
त्यसैगरी आज कोशी, नारायणी, कर्णाली, महाकाली र यिनका सहायक नदीहरू तथा मझौला नदीहरु कन्काई, कमला, बागमती, पुर्वी राप्ती, तिनाउ, पश्चिम राप्ती, बबईमा बहाव सामान्य घटबढ हुने तथा सतर्कता तह भन्दा तलै रहने पूर्वानुमान छ ।
असोज ०३
आज कोशी, नारायणी, कर्णाली, महाकाली र यिनका सहायक नदीहरू तथा मझौला नदीहरु कन्काई, कमला, बागमती, पुर्वी राप्ती, तिनाउ, पश्चिम राप्ती, बबईमा बहाव सामान्य घटबढ हुने तथा सतर्कता तह भन्दा तलै रहने पूर्वानुमान छ।
विस्तृत जानकारीको लागि आजको बुलेटिन यसैसाथ संलग्न छ । pic.twitter.com/eBYWK07v3d— Nepal Flood Alert! नेपाल बाढी सूचना! (@DHM_FloodEWS) September 19, 2021
