सत्तारुढ दल नेपाली कांग्रेसका वरिष्ठ नेता रामचन्द्र पौडेलले आफू पक्षीय नेताहरुको बैठक बोलाएका छन् ।
प्रधानमन्त्रीमा काँग्रेसका नेता शेरबहादुर देउवा नियुक्त भएपछि नेपाली काँग्रेसको १४ औं महाधिवेशन अन्यौलमा परेको छ । महाधिवेशन तथा अन्य राजनीतिक घटनाक्रमका विषयमा छलफल गर्नका लागि कांग्रेसका संस्थापक नेता गणेशमान सिंहका पुत्र प्रकाशमान निवासमा बैठक बस्ने भएको हो ।
सरकारले अहिलेसम्म मन्त्रिपरिषद विस्तार गर्न नसकेको भन्दै काँग्रेसभित्रकै नेताहरुले बताउँदै आएका छन् ।
यस्तै पौडेल पक्षले सरकारमा सहभागी हुन उपप्रधानमन्त्रीसहितको पद माग्दै आएका छन् तर देउवाले नदिने संकेत देखाएका छन् ।
मन्त्रिपरिषद विस्तार गर्दा देउवाले सबैको चित्त बुझाउनुपर्ने बाध्यता छ । नेकपा माओवादी केन्द्र र जसपाले पनि महत्वपूर्ण मन्त्रालय माग गरेका छन् । देउवा र पौडेलबीचको सम्बन्ध यो विषयले बिगार्ने पक्का छ ।