काठमाडौं- देशभरको मौसम बुधबार सामन्यदेखि पूर्ण बदली रही केही स्थानमा भारी वर्षाको सम्भावना रहेको जल तथा मौसम पूर्वानुमान महाशाखाले जनाएको छ । मनसुनी वायुको सक्रिय प्रभाव रहेको मौसमविदले बताएका छन् । तराई भू-भाग नजिक मनसुनी न्यून चापिय रेखा रहेकाले पनि मौसम थप प्रभावित भएको छ ।
अहिले देशभर सामान्यदेखि पूर्ण बदली रहेको छ । प्रदेश १, २, बागमती र गण्डकी प्रदेशका धेरै स्थानमा हल्कादेखि मध्यम वर्षा भइरहेको छ । बुधबार दिउँसो देशभर सामान्यदेखि पूर्ण बदली रहनेछ ।
प्रदेश १, २, बागमती र गण्डकी प्रदेशका धेरै स्थानमा साथै लुम्बिनी, कर्णाली र सुदूरपश्चिम प्रदेशका थोरै स्थानमा हल्कादेखि मध्यम वर्षाको सम्भावना छ । प्रदेश १, प्रदेश २, बागमती, लुम्बिनी र गण्डकी प्रदेशका थोरै स्थानमा भारी वर्षा तथा एक–दुई स्थानहरुमा धेरै भारी वर्षाको सम्भावना छ ।
यस्तै राति पनि देशभर सामान्यदेखि पूर्ण बदली रहनेछ । प्रदेश १, २, बागमती र गण्डकी प्रदेशका धेरै स्थानमा साथै लुम्बिनी, कर्णाली र सुदूरपश्चिम प्रदेशका थोरै स्थानमा हल्कादेखि मध्यम वर्षाको सम्भावना छ ।
प्रदेश १, प्रदेश २, बागमती, लुम्बिनी र गण्डकी प्रदेशका थोरै स्थानमा भारी वर्षा तथा एक–दुई स्थानमा धेरै भारी वर्षाको सम्भावना रहेको छ ।
#SMSAlert #Kamala
असार १६, बिहानको ६ बजे
सिन्धुली जिल्ला स्थित कमला नदी,रानीबास जलमापन केन्द्रमा जलसतहले सतर्कता तह पार गरेको र बढ्दो रहेकाले नदी तटिय क्षेत्र तथा डुबान भईरहने क्षेत्रहरुमा दिउँसो सम्मै उच्च सतर्कता अपनाऔ। pic.twitter.com/ocQy5JSMYZ— Nepal Flood Alert! नेपाल बाढी सूचना! (@DHM_FloodEWS) June 30, 2021
यसैबिच पहाडी भू-भागमा भू-क्षय, पहिरो तथा गेग्रान बहावको जोखिम रहेको साथै नदीनाला तथा खहरे खोलाहरुमा पानीको सतह बढ्न सक्ने तथा दैनिक जीवन र यातायात क्षेत्र प्रभावित हुन सक्ने भएकाले आवश्यक सतर्कता अपनाउन मौसमविदले आग्रह गरेका छन् ।
असार १६,बिहान ५:३० बजे
पछिल्लो ३ घण्टा परासी स्थित बर्दाघाट बर्षामापन केन्द्रमा भारी बर्षामापन भएको, उक्त क्षेत्रका स-साना नदीहरुमा आकस्मिक बाढी आउन सक्ने,तटीय क्षेत्रमा दिउँसो सम्म सतर्कता अपनाऔ। pic.twitter.com/ixacqRgIAy— Nepal Flood Alert! नेपाल बाढी सूचना! (@DHM_FloodEWS) June 30, 2021
बाग्मती, गण्डकी तथा लुम्बिनी प्रदेशका केही र बाकी प्रदेशका थोरै स्थानहरुमा हल्का देखी मध्यम बर्षा भईरहेको छ। साथै लुम्बिनी, गण्डकी तथा बाग्मती प्रदेशका थोरै स्थानहरूमा भारि बर्षाको पनि भईरहेकोले आवश्यक सतर्कत अपनाउनु हुन अनुरोध छ। @NDRRMA_Nepal pic.twitter.com/2GUAFISmAa
— Nepal Weather Forecast (@DHM_Weather) June 29, 2021
