काठमाडौं- जल तथा मौसम पूर्वानुमान महाशाखाले बुधबारबाट मनसुन सक्रिय हुने बताएको छ । मनसुन सक्रिय रहँदा प्रदेश १, प्रदेश २, बागमती, लुम्बिनी प्रदेश र गण्डकी प्रदेशका केहि स्थानहरूमा भारी वर्षाको सम्भावना रहेको महाशाखाले जानकारी दिएको छ ।
असार १५,
आज कन्काई, कोशी, कमला, बागमती, नारायणी जलाधारका केही स-साना सहायक नदीमा क्षणिक मध्यम/भारी बर्षा भई बहाब केही बढ्ने र केही स-साना नदीमा आकस्मिक बहाब हुन सक्ने पूर्वानुमान रहेकाले नदी तटीय क्षेत्रका क्रियाकलापमा सतर्कता अपनाई राखौ। pic.twitter.com/wDGFcX63WT— Nepal Flood Alert! नेपाल बाढी सूचना! (@DHM_FloodEWS) June 29, 2021
यसैगरी, देशको प्रदेश नं १, प्रदेश नं २, बागमती प्रदेश र गण्डकी प्रदेशका धेरै स्थानहरुमा साथै लुम्बिनी, कर्णाली र सुदूरपश्चिम प्रदेशका थोरै स्थानहरुमा हल्कादेखि मध्यम वर्षाको सम्भावना रहेको छ ।
उक्त प्रदेशहरुको पहाडी भू-भागमा पहिरो, गेग्रान बहाव, नदीनाला तथा खोलाहरुमा पानीको सतह बढ्न सक्ने भएकाले आवश्यक सतर्कता अपनाउन महाशाखाले अनुरोध समेत गरेको छ ।
विशेष मनसुन बुलेटिन (Special Monsoon Bulletin)
आगामी वुधबारदेखिको मौसम सम्बन्धि मौसम पुर्वानुमान महाशाखाबाट जारी विशेष मौसम बुलेटिनका लागि तलको लिङ्कमा जानुहोस ।https://t.co/xGwtAOcdL1— Nepal Weather Forecast (@DHM_Weather) June 29, 2021
महाशाखाले आज दिउँसो देशभर सामान्यदेखि पूर्ण बदली रहनेछ । देशका धेरै स्थानहरुमा हल्का देखि मध्यम वर्षाको सम्भावना रहेको र प्रदेश नं १, गण्डकी प्रदेशका एक वा दुई स्थानहरुमा भारी वर्षाको सम्भावना रहेको जनाएको छ ।
यस्तै, राति देशभर सामान्य देखि पूर्ण बदली रहनेछ । प्रदेश नं १, प्रदेश नं २, बागमती प्रदेश र गण्डकी प्रदेशका धेरै स्थानहरुमा साथै लुम्बिनी, कर्णाली र सुदूरपश्चिम प्रदेशका थोरै स्थानहरुमा हल्कादेखि मध्यम वर्षाको सम्भावना रहेको छ ।
प्रदेश नं १, बागमती प्रदेश र गण्डकी प्रदेशका थोरै स्थानहरुमा भारी वर्षाको सम्भावना छ ।
असार १५,बिहान ६:१५ बजे
पछिल्लो ३ घण्टामा तनहुँ स्थित बिमलनगर बर्षामापन केन्द्रमा भारी बर्षामापन भई मर्स्याङ्दी बिमलनगरको जलमापन केन्द्रमा जलसतह बढेकोले उक्त क्षेत्रका नदी तटिय क्षेत्रमा सतर्कता अपनाऔ।
चित्र १: पछिल्लो ३ घण्टाको बर्षामापन
चित्र २: मर्स्याङ्दी बिमलनगरको जलसतह pic.twitter.com/tdYmFxE21n— Nepal Flood Alert! नेपाल बाढी सूचना! (@DHM_FloodEWS) June 29, 2021
