काठमाडौँ। नेकपा एमालेको गण्डकी प्रदेश अध्यक्षमा नवराज शर्मा ५३१ मतसहित विजयी भएका छन् । उनका प्रतिस्पर्धी मायानाथ अधिकारीले ३६५ मत प्राप्त गरेका छन् । शर्माले अधिकारीलाई १६६ मतले पछि पारे ।

उनीहरु प्यानलसहित चुनावमा प्रतिस्पर्धा गरेका थिए । निर्वाचनमा अधिकांश शर्मा प्यानलका उम्मेदवारहरु विजयी भएका छन् ।शर्मा उपमहासचिव पृथ्वीसुब्बा गुरुङ निकट हुन्। यहाँ गण्डकीका नेता खगराज अधिकारी र उपमहासचिव गुरुङबीच प्यानल बनेको थियो।

उपाध्यक्षमा नवराज प्यानलकै स्याङ्जाका मिनप्रसाद गुरुङ ५३४ मतसहित विजयी हुँदा अर्का प्रत्यासी नवलपुरका बाबुराम विश्वकर्माले ३६२ मत पाएका छन् ।
सचिवका उम्मेदवार लमजुङका धनञ्जय दवाडीले ५२० मत प्राप्त गरेर विजयी हुँदा उनका प्रतिस्पर्धी कास्कीका रश्मी आचार्यले ३६७ मत पाए ।

उपसचिव पदमा कास्कीका दामबहादुर विक विजयी भएका छन् । उनले ४९९ मत पाएका छन् । उपसचिव पदका अर्का प्रत्यासी म्याग्दीका सन्तोष रावलले ३९७ मतमात्र पाए ।

उपसचिव महिलातर्फ पर्वतकी मन्जु अधिकारीले ५ ३१ मत ल्याएर विजयी हुँदा कास्कीकी मिना गुरुङले ३६५ मत पाइन् ।