काठमाडौं । इलाम २ मा भइरहेको उपनिर्वाचनमा राष्ट्रिय स्वतन्त्र पार्टी (रास्वपा)का उम्मेदवार मिलन लिम्बुले निर्वाचन आचार संहिताको उल्लंघन गरेका छन् ।
मतदानका क्रममा उनले निर्वाचन आचार संहिता उल्लंघन गर्दै मतदानमा सहभागी भएका हुन् । आयोगका अनुसार मतदान केन्द्रमा कुनै पनि दलको निर्वाचन चिह्न अंकित पोशाक वा ब्याज लगाउन पाइँदैन ।
रास्वपा उम्मेदवार लिम्बुले आफ्नो चुनाव चिह्न घण्टी अंकित भएको ब्याज लगाएर मतदान गरेका छन् । शनिबार बिहान माङसेबुङ २ स्थित जनता कल्याण आवासीय विद्यालय मतदान स्थलको ‘ख’ केन्द्रमा मतदान गरेका उनले आचार संहिता उल्लंघन गरेका हुन् ।
मतदानपछि उनी निर्वाचना चिह्नको ब्याज लगाएरै मतदान केन्द्रमा धुमिरहेका छन् । उनलाई निर्वाचन अधिकृतले समेत ब्याजको प्रयोगमा रोक लगाएका छैनन् ।
रास्वपा अहिले पार्टी सभापति रवि लामिछानेको नेतृत्वमा सरकारमा छ । लामिछाने उपप्रधान तथा गृहमन्त्री हुन् ।
