काठमाडौं । आईपीओ निष्काशन गरेको सर्वोत्तम सिमेण्टको शेयर लगातार सातौं दिन सर्किट लागेको छ । बुक बिल्डिङ विधिबाट आईपीओ निष्काशन गरेको कम्पनीको शेयर दोस्रो बजारमा कारोबारमा आएदेखि निरन्तर सर्किटमा कारोबार हुँदै आएको हो ।
सर्वोत्तम सिमेण्ट कम्पनीको पहिलो दिन नेटवर्थको तीन गुणा अर्थात ५५६ रुपैयाँबाट कारोबार शुरु भएको थियो । सिमेण्टको शेयरले सातौँ कारोबार दिनसम्म आइपुग्दा सर्किटमै कारोबार भएर १८३ रुपैयाँमा खरिद बिक्री भइरहेको छ ।
बिहीबार बजारमा करिब १५ मिनेटको कारोबारमा कम्पनीको ४१ हजार ६५५ कित्ता शेयर चार करोड ५१ लाख रुपैयाँभन्दा बढीको खरिद बिक्री भएको छ ।
यस कम्पनीको आईपीओमा करिब ५५ हजार लगानीकर्ताले ५० कित्ताको दरले शेयर पाएका थिए ।
प्रतिक्रिया दिनुहोस्
