काठमाडौं। सत्तारुढ नेकपा (माओवादी केन्द्र)का उपाध्यक्षसमेत रहेका परराष्ट्रमन्त्री नारायणकाजी श्रेष्ठ यतिबेला चीन भ्रमणमा छन् । आइतबार चीन प्रस्थान गरेका उनी आगामी चैत १९ गते स्वदेश फर्किनेछन् ।
चीन भ्रमणमा रहेका श्रेष्ठले चिनियाँ समकक्षी वाङ यीसहित चिनियाँ कम्युनिष्ट पार्टीका शीर्ष नेताहरुसँग भेटवार्ता गर्दैछन् ।
श्रेष्ठ चीनमै रहकै बखत सत्तारुढ दल नेकपा (एमाले) उपाध्यक्ष एवम् प्रभावशाली नेता विष्णु पौडेल मंगलबार चीन प्रस्थान गरेका छन् । उनी पनि केही दिन चीनमा रहने बुझिएको छ ।
दुवै नेताहरु चीनको बोहाओमा आयोजित बोहाओ फोरम फर एशियाको एनुअल कन्फ्रेन्समा पनि सहभागि हुनेछन् । दुई पार्टीका शीर्ष र प्रभावशाली नेताहरुको भ्रमणलाई अर्थपूर्ण मानिएको छ ।
नेपालमा परिवर्तित सत्ता समीकरणप्रति चीन सकारात्मक देखिन्छ । कतिपयले पछिल्लो समीकरण निर्माणमै चीनको भूमिका रहेको पनि बताउने गरेका छन् । यस्तोमा दुई शीर्ष नेताहरु जमघटपूर्ण भ्रमणलाई सामान्य मान्न मिल्दैन ।
