काठमाडौं । सुन तस्करी प्रकरणमा पक्राउ परेका पूर्वसभामुख कृष्णबहादुर महरालाई ४ दिन हिरासतमा राख्न अनुमति दिएको छ ।
सुन प्रकरणमा अनुसन्धानका लागि माओवादी उपध्याक्षसमेत रहेका उनलाई ४ दिन हिरासतमा राख्न अदालतले अनुमति दिएको हो ।
पूर्वन्यायाधीश डिल्लीराज आचार्य नेतृत्वको सुन छानबिन आयोगले मुद्दा चलाउन सिफारिस गरेपछि सोमबार बिहान कपिलवस्तुबाट महरालाई पक्राउ गरेको थियो ।
लगत्तै उनलाई केन्द्रीय अनुसन्धान ब्यूरो (सीआईबी)को कार्यालयमा लगिएको थियो । महराको भेपमार्फत सुन तस्करीमा संलग्न चिनियाँ नागरिक दावाजिन वाङसँग निकट सम्बन्ध देखिएको छ ।