काठमाडौँ । स्वास्थ्य मन्त्रालयले दिएको जानकारी अनुसार देशभर पछिल्लो २४ घण्टामा ६८ जनामा कोरोना संक्रमण पुष्टि भएको छ । मन्त्रालयका अनुसार ३ हजार १३५ जनाको आरटी–पीसीआर विधिबाट परीक्षण गर्दा ५४ जना र १ हजार ७९४ जनाको एन्टिजेन विधिबाट परीक्षण गर्दा १४ जनामा कोरोना संक्रमण पुष्टि भएको हो ।
सो अवधिमा देशभर ५ सय ३८ जना निको भएर घर फर्किएका छन् । योसँगै नेपालमा कोरोना संक्रमणमुक्त हुनेहरुको संख्या ९ लाख ५९ हजार ०९३ पुगेको छ ।
पछिल्लो २४ घण्टामा देशभर ४ हजार ९२९ जनाको परीक्षण हुँदा हालसम्म कुल ६५ लाख २२ हजार ९८७ जनाको पीसीआर–एन्टिजेन परीक्षण भएको छ ।
यसैगरी पछिल्लो २४ घण्टामा कोरोना संक्रमणका कारण २ संक्रमितको मृत्यु भएको छ ।
प्रतिक्रिया दिनुहोस्
