नेपाली कांग्रेसको जारी १४ औं महाधिवेशनमा सभापतिका लागि उम्मेदवारी दिएका विमलेन्द्र निधिले दोस्रो चरणको निर्वाचनमा अर्का उम्मेदवार शेरबहादुर देउवाविरुद्ध मोर्चाबन्दी गर्ने बताएका छन् ।
सञ्चारकर्मीसँग छोटो कुराकानी गर्दै निधिले पहिलो चरणको निर्वाचनमा कसैले पनि बहुमत नल्याउने ठोकुवा गरेका हुन् ।
‘पहिलो चरणमा कसैको बहुमत आउँदैन,’ निधिले भने, ‘दोस्रो चरणमा हामी सबै देउवाविरुद्ध मोर्चाबन्दी गर्छौं ।’
कांग्रेसको भावी नेतृत्वका लागि ५ सभापतिका उम्मेदवारले आफ्नो उम्मेदवारी दर्ता गरेका छन् । ६ मध्ये युवराज न्यौपानेले आफ्नो उम्मेद्वारी अन्तिम समयमा फिर्ता लिएर डा. शेखर कोइरालालाई सघाउने बताइसकेका छन् ।
सभापतिका लागि देउवा, कोइराला, निधि, प्रकाशमान सिंह र कल्याण गुरुङ प्रतिस्पर्धामा छन् ।