काठमाडौं- कोरोनाविरुद्धमा चालेका कदम प्रभावकारीका बारेमा काठमाडौं जिल्ला प्रशासन कार्यालयको टोलीले काठमाडौंका विभिन्न स्थानमा अनुगमन गरेको छ । टोलीले आइतबार काठमाडौंको वसन्तपुर, विशाल बजार र काठमाडौं मलका साथै सुन्धरा क्षेत्रमा अनुगमन गरेको हो ।
अनुगमनका क्रममा माक्स नलगाउने ६८ जनालाई कारबाही गरेको र केहीलाई सम्झाइबुझाइ छाडेको काठमाडौंका सहायक प्रमुख जिल्ला अधिकारी दिपक पौडेलले बताए ।
उनले विशाल बजार र काठमाडौं मलमा अधिकांश व्यापारी र सर्वसाधारणले समेत सुरक्षा मापदण्ड पालना नगरेको पाइएको बताए ।
पौडेलले कोरोना महामारी नियन्त्रणका लागि सर्वसाधारण पनि सचेत हुनुपर्ने र स्वास्थ्य मापदण्डको प्रभावकारी कार्यान्वयन हुनुपर्ने बताए ।