काठमाडौं- देशभरको मौसम शनिबार सामान्यदेखि पूर्ण बदली भइ विभिन्न स्थानमा हल्कादेखि मध्यम वर्षाको सम्भावना रहेको छ । मनसुनी न्यून चापीय प्रणाली नेपालबाट केही दक्षिण तर्फ रहेको जल तथा मौसम पूर्वानुमान महाशाखाले जानकारी दिएको छ ।
शनिबार दिउँसो देशभर नै सामान्यदेखि पूर्ण बदली भइ धेरै स्थानमा हल्कादेखि मध्यम वर्षाको सम्भावना रहेको महाशाखाको भनाइ छ । प्रदेश १, बागमती, लुम्बिनी र सुदूरपश्चिम प्रदेशका एक–दुई स्थानमा मेघगर्जन र चट्याङ्गसहित भारी वर्षाको सम्भावना रहेको छ ।
यस्तै आज राति पनि देशभर सामान्यदेखि पूर्ण बदली रही केही स्थानमा हल्कादेखि मध्यम वर्षा हुने महाशाखाले जनाएको छ । प्रदेश १ र बागमती प्रदेशका एक–दुई स्थानमा मेघगर्जन र चट्याङ्गसहित भारी वर्षाको सम्भावना छ । त्यसैगरी पहाडी क्षेत्रमा गेग्रानसहितको बहाव, बाढी तथा पहिरोको जोखिम रहेकाले सतर्कता अपनाउन महाशाखाले आग्रह गरेको छ ।
भदौ ५
आज नारायणी,महाकाली र यिनका सहायक नदीहरूमा बहाव बढ्ने,कोशी,कर्णाली र यिनका सहायक नदीहरुमा बहाव सामान्य घटबढ हुने; मझौला नदीहरु कन्काई र तिनाउमा बहाव बढ्ने; कमला, बाग्मति, पूर्वी राप्ती, पश्चिम राप्ती र बबईमा बहाव सामान्य घटबढ हुने तथा सतर्कता तह भन्दा तलै रहने पूर्वानुमान छ। pic.twitter.com/6lFtEZLLMS— Nepal Flood Alert! नेपाल बाढी सूचना! (@DHM_FloodEWS) August 21, 2021
