साताको चौथो दिन आज बुधबार सेयर बजार परिसूचक नेप्सेमा सामान्य वृद्धि भएको छ ।
आज नेप्से परिसूचक १.०१ अंकले बढेर २ हजार ८७२.०५ विन्दुमा पुगेको हो । आज सेन्सेटिभ इन्डेक्स भने ०.१४ अंकले घटेर ५३९.३८ विन्दुमा पुगेको छ ।
बुधवार २१४ ओटा कम्पनीको रू. ५ अर्ब ६५ करोड ४५ लाख ७६ हजार बराबरको शेयर कारोबार भएको छ । उक्त रकम बराबरको ४ करोड ४७ लाख ३६ हजार ५३० कित्ता शेयर कारोबार भएको हो ।
आज जलविद्युत् समूहका लगानीकर्ताहरुले सर्वाधिक कमाएका छन् । यस दिन जलविद्युत् समूहको परिसूचक सर्वाधिक २ दशमलव ७१ प्रतिशतले बढेको हो ।