काठमाडौं । पोखराको सेती नदीमा डुबेर एक जनाको मृत्यु भएको छ । पोखरा महानगर १७ महतगौडास्थित सेती नदीमा माछा मार्ने क्रममा पोखरा १ घर भएका ४० वर्षीय गंगा तामाङको मृत्यु भएको हो ।
जिल्ला प्रहरी कार्यालय कास्कीका अनुसार तामाङको शव गएराति सशस्त्र प्रहरीले नदीबाट निकालेको थियो । उनी आइतबार दिउँसो बेपत्ता थिए ।
उनीसँगै माछा मार्न गएका सोही ठाउँमा ४३ वर्षीय रक्सेस तामाङ अझै बेपत्ता भएका छन् । उनको सशस्त्र प्रहरी बलको गोताखोर र विपद् उद्धार टिमले खोजी गरिरहेको छ ।
पाँच जनाको समूह आइतबार दिउँसो माछा मार्न गएका स्थानीयले जनाएको छ । बाँकी तीन जना सकुशल घर फर्किएका छन् ।
प्रतिक्रिया दिनुहोस्
