नेपाली कांग्रेसका सभापति एवं प्रधानमन्त्री शेरबहादुर देउवाले १४औं महाधिवेशनबाट सभापतिमा जित्नैपर्ने दवाव रहेको बताएका छन् । कांग्रेसको आदिवासी जनजाती विभागले आफ्नो समुदायका प्रतिनिधिलाई राखेर आयोजना गरेको कार्यक्रममा देउवाले यस महाधिवेशनमा जसरी पनि सभापतिमा जित्नै पर्ने दवाव रहेको बताएका हुन् ।
देउवाले आदिवासी जनजातीका प्रतिनिधिलाई सम्बोधन गर्दै आफूलाई जसरी पनि जिताउन आग्रह गर्दै सभापति हारेमा धेरै प्रश्न उठ्ने बताए । उनले भने– ‘मैले हारेँ भने मलाई प्रधानमन्त्री बाट हटाउँछन् । त्यसैले मैले जित्नै पर्छ । मलाई जिताइदिनु होला । पार्टीको चुनाव पनि नजित्नेले देश कसरी चलाउँछन् भनेर मलाई प्रश्न गर्छन् ।’
उनले प्रतिनिधिलाई सम्बोधन गर्दै कांग्रेसलाई सबैको पार्टी बनाएर लैजानुपर्ने भएकाले सबै जनजातिलाई आरक्षण दिएको समेत बताए । उनले भने– ‘प्रजातन्त्र आजको जरुरी कुरा हो। कांग्रेसभित्र प्रजातन्त्र छ। तपाईंहरुलाई थाहै छ । अस्ति ओली हुँदा कस्तो थियो तपाईंहरुलाई थाहै छ ।’