नेपाली कांग्रेसको १४औं महाधिवेशनमा तीन महिना अगाडी नै उम्मेदवारी घोषणा गरेका विश्वप्रकाश शर्माले प्रकाशमान सिंहको प्यानलबाट महामन्त्री पदमा उठ्ने भएका छन् । लामो समयदेखि सभापति शेरबहादुर देउवाको समूहमा रहँदै आएका शर्माले गत भदौमै महामन्त्रीमा उम्मेदवारी घोषणा गरेपनि प्यानल उल्लेख गरेका थिएनन् ।
शर्माले अन्तिम समयमा आएर सिंहको प्यानलबाट उम्मेदवारी दर्ता गरेका हुन् । सिंहले भने सभापतिमा उम्मेदवारी दिइसकेका छन् ।
शर्मालाई शेखर कोइरालाको प्यानलबाट महामन्त्रीको उम्मेदवार बनाउने चर्चा पनि चलेको थियो । तर, अन्तिममा त्यो कसरत सफल भएन । उम्मेदवारी दर्ता गर्न जानुअघि शर्माले महाधिवशेनपछि बदलिएको कांग्रेस, बलियो कांग्रेस हुने बताए ।
प्रतिक्रिया दिनुहोस्
