नेपाली कांग्रेसका वरिष्ठ नेता रामचन्द्र पौडेलले एक विज्ञप्ति जारी गर्दै सभापतिको प्रतिस्पर्धाबाट आफू बाहिरिएको घोषणा गरेका छन् ।
पार्टीको १४ औं महाधिवेशनमा संस्थापनइतर पक्षबाट सभापतिको साझा उम्मेदवार चयन गर्न नसकेपछि उनी नेतृत्वको प्रतिस्पर्धाबाट बाहिरिएको विज्ञप्तिमा उल्लेख गरेका छन् ।
‘मैले बुझेको कांग्रेसमा विचलन आइरहेको मैले अनुभव गर्नुपरेको छ,’ उनले लेखेका छन्, ‘कांग्रेस केवल सत्ताको भर्याङमा सीमित हुन गएको मलाई महसुस भइरहेको छ ।’
पौडेलले संसदीय विचलनबाट हात लागेको सत्ता अवसरमा पार्टी रमाइरहेको आरोपसमेत लगाए ।
उनले आफू प्रतिस्पर्धाबाट अलग रहेपनि प्रतिनिधिहरूलाई आफ्नो विवेक प्रयोग गरेर मत दिन आग्रह गरेका छन् ।
हेर्नुहोस् विज्ञप्ति –