काठमाडौँ । स्वास्थ्य मन्त्रालयले दिएको जानकारीअनुसार पछिल्लो २४ घण्टामा नेपालमा थप ८६३६ जनामा कोरोनाभाइरस संक्रमण पुष्टि भएको छ । यससँगै देशभर कोरोनाको सक्रिय संक्रमित संख्या १ लाख १७ हजार २६१ पुगेको छ ।
आज पीसीआर विधिबाट २२ हजार ३०६ जना र एन्टिजेन विधिबाट ६३० जनाको परीक्षण गर्दा मंगलबार ८६३६ जनामा संक्रमण पुष्टि भएको हो ।
यस्तै सोही अवधिमा ६ हजार ४०४ जना निको भएका छन् । नेपालमा हालसम्म कोरोना संक्रमणमुक्त हुनेको संख्या ४ लाख ४ हजार ८८७ जना पुगेको छ ।
त्यस्तै पछिल्लो २४ घण्टामा १६९ जनाको मृत्यु भएको छ । नेपालमा कोरोना भाइरसबाट हालसम्म ६७ सय जनाले ज्यान गुमाएका छन् ।