काठमाडौं । शुक्रबार चर्चित टेलिभिजन रियालिटी शो ‘कमेडी च्याम्पियन’को टोली सवार कार दुर्घटना भयो । घटनामा ६ जना सवार उक्त कार भक्तपुरमा रोकेर राखिएको टिप्परमा ठोक्किएको थियो ।
उक्त घटनामा घाइतेमध्ये सुशान्त बस्याल गम्भीर घाइते भएका छन् । उनको मध्यपुर ठिमी अस्पतालमा भेन्टिलेटरमा राखेर उपचार भइरहेको छ । अस्पताल स्रोतले दिएको जानकारीअनुसार उनको अवस्था अचेत रहेको बताइएको छ ।
को हुन् बस्याल ?
नवलपरासी घर भई हाल काठमाडौं बस्दै आएका बस्याल एक स्ट्याण्डअप कमेडियन हुन् । उनी स्ट्याण्ड अप कमेडी रियालिटी शो ‘कमेडी च्याम्पियन सिजन २’बाट चर्चामा आएका हुन् ।
उनी कक्षा ८ र ९ मा पढ्दादेखि नै कमेडी गर्दै आएका थिए । त्यहीँबाट उनको कमेडियन यात्रा सुरु भएको थियो ।
उनलाई इण्डियन कमेडी निकै मन पर्नुको साथै नेपाली हास्य कलाकार विशाल गौतमको कमेडी निकै राम्रो लाग्ने थियो ।
सोही घटनामा घाइते भएका तथा ‘कमेडी च्याम्पियन’का सञ्चालक विशाल भण्डारीसहित दुई जनालाई प्रहरीले हिरासतमा लिएर अनुसन्धान गरेको छ ।
यो पनि पढ्नुहोस्