काठमाडौं । बाग्लुङको निसीखोला गाउँपालिका ६ मा सोमबार साँझ बस दुर्घटना हुँदा नौ जनाको मृत्यु भएको छ । घटनामा दुई दर्जन यात्रु घाइते भए ।
घाइतेमध्ये रुकुम पश्चिम मुसिकोट ३ की सरिता खड्का ढकालकी तीन महिनाकी छोरी ज्ञानु ढकालको उपचार भइरहेको छ ।
उनको उपचार पोखराको मणिपाल शिक्षण अस्पतालमा भइरहेको हो । यस क्रममा उनको रेखदेखमा उनका हजुर बुबा लोकन्द्र खड्का अस्पताल पुगेका छन् । बालिकाकी आमाको पनि सोही अस्पतालमा उपचार भइरहेको छ ।