नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र एमालेका वरिष्ठ नेता माधवकुमार नेपालबीच कोटेश्वरस्थित एक एमाले नेताको घर भेटवार्ता भइरहेको छ ।
नेपालनिकट एक केन्द्रीय सदस्य पार्वती थापाको कोटेश्वरमा रहेको घरमा दुवै नेताबीच करीब डेढ घण्टादेखि छलफल भइरहेको हो ।
एमाले अध्यक्ष केपी शर्मा ओलीसँग भेटवार्ताको तयारी भइरहेका बेला वरिष्ठ नेता नेपाललाई भेट्न प्रचण्ड पुगेका हुन् ।
ओली र नेपालबीच आजै भेट हुने कतिपय नेताहरूले दाबी गरेका छन् तर समय र स्थान भने खुलाइएको छैन ।
भेटघाटमा पछिल्लो राजनीतिक अवस्थाबारे छलफल भएको बताइएको छ ।
एमाले एकताका लागि प्रयास भइरहेका बेला प्रचण्ड र नेपालबीच भेटवार्ता हुनुलाई अर्थपूर्ण मानिएको छ ।
नेता नेपालले सरकारबाहिरै बसेर पार्टी एकताका लागि प्रयास गर्ने बताएका थिए । प्रचण्डले नेता नेपाललाई सरकारमा आउन आग्रह गरिरहेका छन् ।