काठमाडौं । अमेरिकी सरकारले दिँदै आएको डाइभर्सिटी भिसा (डीभी)को नतिजा सार्वजनिक भएसँगै दूतावासले थप जानकारी दिने भएको छ ।
डीभी नतिजा सार्वजनिक भएसँगै भिसा पाउन सफल भएकाहरूलाई अब के गर्ने ? भन्ने चिन्ता भएको अवस्थामा नेपालस्थित अमेरिकी दूतावासले थप जानकारी दिने भएको हो ।
दूतावासले एक सूचना जारी गर्दै आफूहरूले डीभी परेकाहरूका लागि सहजीकरण गर्न लागेको जानकारी दिएको हो । अमेरिकी दूतावासले डीभी परेका नेपालीका जिज्ञासा मेटाउन मंगलबार ‘कन्सुलर डाइभर्सिटी भिसा च्याट’ गर्न लागेको हो ।
उक्त संवादमा डीभी भिसा २०२५ सँग सम्बन्धित प्रश्नहरूका जवाफ दिइने दूतावासले जनाएको छ । दूतावासका कन्सुलर अधिकारीले २५ वैशाखको दिउँसो २ देखि ३ बजेसम्म दूतावासको फेसबुक पेजमा लाइभ गरी जवाफ दिन लागेको हो ।
प्रतिक्रिया दिनुहोस्
