काठमाडौं । सत्तारुढ दल नेकपा (माओवादी केन्द्र)को पदाधिकारी बैठकमा सुन तस्करी प्रकरणमा पक्राउ परेका उपाध्यक्ष कृष्णबहादुर महराको विषयमा छलफल भएको छ ।
मंगलबार प्रधानमन्त्री निवास बालुवाटारमा भएको बैठकमा महराबारे छलफल भएपनि कुनै पनि निष्कर्षमा पुग्न नसकेको बैठकपछि पार्टी प्रवक्ता अग्निप्रसाद सापकोटाले जानकारी दिए ।
“बैठकमा मुख्य छलफल नै उपाध्यक्ष कृष्णबहादुर महराको विषयमा भयो, हामीले विविध कोणबाट छलफल ग¥यौं तर, निष्कर्षमा पुगेका छैनौं”, उनले भनेका छन् ।
जिम्मेवारीबाट हटाउने विषयमा के भो भनि पत्रकारसँगको प्रश्नमा सापकोटाले भने, “छिट्टै निष्कर्ष निकाल्छौं ।”
नेताहरुले बताएअनुसार प्रधानमन्त्रीसमेत रहेका पार्टी अध्यक्ष पुष्पकमल दाहाल प्रचण्डले उपाध्यक्ष महरालाई पदबाट राजीनामा दिन सुझाएका छन् । पार्टीले कारबाही गर्नेभन्दा महराले राजीनामा दिने विषय उपयुक्त हुने कुरा प्रचण्डले राखेको नेताहरुले बताएका छन् ।
बताइएअनुसार अर्को बैठकले महराबारे निर्णय लिनेछ ।
