मधुमेह एक दीर्घ रोग हो, जुन कहिल्यै निको हुन सक्दैन । यसलाई नियन्त्रण मात्र गर्न सकिन्छ। शरीरले रगतमा रहेको ग्लुकोजलाई राम्रोसँग सोस्न इन्सुलिन उत्पादन गर्न नसक्दा यो रोग लाग्छ । यो रोग सामान्यतयाः खराब जीवनशैलीको परिणाम हो। तर, यसका लागि आनुवंशिक तत्व पनि जिम्मेवार छन् ।

यो रोगलाई औषधि, व्यायाम र स्वस्थ जीवनशैली अपनाएर नियन्त्रण गर्न सकिन्छ । तर केही घरेलु मसलाहरू पनि यसका लागि प्रभावकारी रूपमा फाइदाजनक साबित हुन्छन्।

अदुवा

अदुवा टाइप 2 मधुमेह रोगीहरूको लागि धेरै उपयोगी छ। भारतकाे नेशनल इन्स्टिच्युट अफ हेल्थमा प्रकाशित अनुसन्धानले अदुवामा मधुमेह प्रतिरोधी गुण हुने देखाएको छ।

यस्तो अवस्थामा टाइप 2 मधुमेह भएका बिरामीहरूमा हाइपरइन्सुलिनमिया नियन्त्रण गर्न अदुवा धेरै प्रभावकारी साबित हुन्छ। यसका साथै अदुवाले टाइप 2 मधुमेह भएका बिरामीहरूमा कलेजो, मृगौला र स्नायु प्रणालीसँग सम्बन्धित समस्याहरूलाई पनि रोक्छ।

लसुन

लसुनले पनि रगतमा सुगरकाे मात्रा नियन्त्रण गर्न निकै प्रभावकारी रूपमा मद्दत गर्दछ। लसुनमा पाइने एलिसिनले प्यान्क्रियाटिक बिटा कोशिकाहरूलाई असर गर्छ र इन्सुलिन जारी गर्न मद्दत गर्दछ।

दालचीनी

मधुमेहमा चिनी नियन्त्रण गर्न पनि दालचीनी निकै प्रभावकारी हुन्छ । एक अध्ययन रिपाेर्टअनुसार १२ हप्तासम्म दैनिक १ ग्राम दालचीनी सेवन गर्ने व्यक्तिकाे रगतमा चिनीको मात्रा सन्तुलन हुन्छ ।

मेथी

मेथीको दानामा घुलनशील फाइबर हुन्छ, जसले रक्त शर्करालाई कम गर्छ र इन्सुलिन संवेदनशीलता बढाउँछ । यसबाहेक, मेथी मधुमेह रोगीहरूको लागि राम्रो खाना हो किनभने यसमा ग्यालेक्टोमनन र ट्रिगोनेला जस्ता रसायनहरू हुन्छन् जसले इन्सुलिन प्रतिरोधलाई कम गर्छ।

ल्वाङ

ल्वाङ एक एन्टिसेप्टिक, एन्टि-इन्फ्लेमेटरी, एनाल्जेसिक र पाचन रोगीहरूको लागि स्वास्थ्य लाभले भरिएको मसला हो। यसले रगतमा चिनीको मात्रालाई नियन्त्रण गर्न पनि मद्दत गर्छ र इन्सुलिन उत्पादनलाई बढावा दिन पनि जानिन्छ। एजेन्सीबाट

यद्दपि, यहाँ जे लेखिएकाे भएपनि विज्ञहरूकाे सल्लाहअनुसार निर्णय लिन हाम्राे आग्रह छ। सं.