काठमाडौं–देशभर बढ्दो महिलामाथिको हिंसा र बलात्कारविरुद्ध काठमाडौंको माइतीघरमा युवाहरुले प्रर्दशन गरेका छन् । बलात्कारीलाई कडा सजायको माग गर्दै उनीहरुले शनिबार माइतीघर मण्डलामा नाटक समेत प्रर्दशन गरे।
नाटकमा बलात्कारीविरुद्ध कानुनी कारवाही गर्न सरकारी संयन्त्र कजोर भएको र नागरिक समाज पनि अपेक्षाकृत रुपमा नबोलिरहेको भन्दै सरकार र समाजप्रति प्रश्न गरिएको छ। प्रदर्शनमा सहभागी युवायुवतीले ‘आमाले सोध्लिन खै न्याय भन्लिन’, ‘३३ प्रतिशत महिलालाई अधिकार छ तर पनि नेपाली महिला सांसद किन मौन ?’ जस्ता नारा लेखिएका प्ले कार्ड बोकेका थिए।
केहीले बलात्कारविरुद्ध कविता समेत वाचन गरेका थिए।