काठमाडौँ । नेकपा एमालेका अध्यक्ष केपी शर्मा ओलीले सर्वोच्च अदालतका पाँच न्यायाधीशले राजीनामा दिनुपर्ने बताएका छन् ।
मंगलबार अधिवेशनलाई उद्धाटन गर्दै ओलीले देशको न्याय क्षेत्र बचाउनका लागि न्यायाधीशहरुले राजीनामा गर्नुपर्ने बताएका हुन् ।
उनले प्रधानन्यायाधीश चोलेन्द्र शमशेर जबरा विवादमा परेको उल्लेख गर्दौ उनले राजीनामाको कुरा अगाडी सारेका हुन् ।
उनले चोलेन्द्रले नेपाली काँग्रेसका सभापति शेरबहादुर देउवालाई प्रधानमन्त्री बनाउन परमादेश जारी गरेसँगै उनी विवादमा परेको बताए । ‘परमादेश जारी ५ जना न्यायाधीश मिलेर जारी गरेका थिए, अब सबैले राजीनामा दिए हुन्छ ।’ ओलीले भने ।
कार्यक्रममा बोल्दै ओलीले अहिलेको सरकारलाई पञ्चरंगीको संज्ञा दिए । उनले पाकिस्तानी शैलीमा परादेशबाट सरकार गठन भएको बताए । एमालेबाहेकका सबै शक्ति एकै ठाउँ हुँदा पनि विकास हुन नसकेको टिप्पणी गरेका छन् ।