काठमाडौं- सरकारले आगामी भदौ १ गतेदेखि हवाई सेवा सञ्चालनमा ल्याउने निर्णय गरेको छ। सोमबार बसेको मन्त्रिपरिषद् बैठकले भदौ १ देखि आन्तरिक तथा बाह्य दुवै उडान सेवालाई खुला गर्ने निर्णय गरेको हो।
संस्कृति, पर्यटन तथा नागरिक उड्डयनमन्त्री योगेश भट्टराईको प्रस्तावलाई मन्त्रिपरिषदले स्वीकृत गरेको हो। मन्त्रालयले २१ साउनबाट आन्तरिक र १ भदौबाट अन्तर्राष्ट्रिय उडान गर्ने प्रस्ताव पेस गरेको थियो।
बैठकले दुवै उडान सेवालाई एकैपटक १ भदौबाट लागू हुनेगरी सञ्चालनमा ल्याउने निर्णय गरेको हो।
सरकारले यसअघि नै जिल्लाभित्रै सार्वजनिक यातायात चलाउने निर्णय गरेको थियो।
प्रतिक्रिया दिनुहोस्
