काठमाडौं – अर्थमन्त्री जनार्दन शर्मामाथि छानबिन गर्न संसदीय समिति गठन हुने भएको छ । चौतर्फि बजेट निर्माण प्रकृयामा अनाधिकृत व्यक्तिको संलग्नता र उक्त घटना लुकाउन सिसिटिभी फुटेजसमेत डिलिट गरेको अर्थमन्त्री शर्मामाथि आरोप छ ।
एमालेले अर्थमन्त्री शर्माको राजीनामासहित यस घटनाको छानविनको माग राख्दै आएको थियो । यसैबीच एमालेको मागबमोजिम अर्थमन्त्री माथि संसदीय छानविन समिति ६ सदस्यीय गठन हुने भएको हो ।
एमाले संसदीय दल र प्रतिनिधिसभाका सभामुख अग्निप्रसाद सापकोटासहित अन्य दलहरू समेतको परामर्शपछि यस घटनाको छानबिनको लागि समिति गठन हुने भएको हो ।
प्रतिक्रिया दिनुहोस्
