नेकपा माओवादी केन्द्रको स्थायी कमिटी बैठक पार्टी केन्द्रीय कार्यालय पेरिसडाँडामा शुरू भएको छ । बैठकमा सरकारमा सहभागी हुने मन्त्रीको बारेमा छलफल हुने बताइएको छ ।
कांग्रेस सभापति शेरबहादुर देउवाको नेतृत्वमा सरकार गठन भएको एक महिना पुग्नै लाग्दा पनि सत्तारूढ गठबन्धनले मन्त्रीहरूको टुंगो लगाउन सकेको छैन ।
माओवादीबाट सरकारमा सामेल हुने मन्त्रीहरूको टुंगो लगाउन नसकेका कारण अध्यक्ष पुष्पकमल दाहाल ‘प्रचण्ड’ले आफूलाई तनाव रहेको पटक-पटक बताउने गरेका छन् ।
देउवासँगै माओवादीका तर्फबाट पम्फा भुसाल र जनार्दन शर्माले सपथ लिएका छन् । बाँकी मन्त्रीको टुंगो माओवादी केन्द्रले अहिलेसम्म लगाउन सकेको छैन ।
आकांक्षी धेरै भएकाले मन्त्री छान्न सकस बढेको हो । आज बसिरहेको बैठकमा मन्त्रीका लागि मापदण्ड तोक्ने विषयमा पनि छलफल हुने स्रोतको दाबी छ ।
प्रतिक्रिया दिनुहोस्
