उपवासको समयमा सही फलफूल छनोट गर्नु आवश्यक छ ताकि तपाई स्वस्थ रहनुका साथै, तपाईको पेट पनि समस्यामा नजाओस् । केही फलफूल यस्ता छन् जुन पौष्टिक तत्वले भरिपूर्ण मात्रै छैनन्, खाली पेटमा खाँदा पनि कुनै समस्या आउँदैन ।
आज हामी उपवासको समयमा खान हुने फलफूलको बारेमा चर्चा गर्नेछौं ।
व्रतको समयमा तपाईंले यस्ता फलफूलहरू खानुपर्छ जसले तपाईंलाई ऊर्जा दिन्छ र तपाईंको स्वास्थ्यको पनि ख्याल राख्छ। उपवासको समयमा पनि यी फलफूल खाएमा तपाईं सक्रिय र ताजा महसुस गर्न सक्नुहुन्छ।
केरा: केरा एक पौष्टिकताले भरिपूर्ण फल हो, जसले तत्काल ऊर्जा प्रदान गर्दछ। यसमा फाइबर, पोटासियम र भिटामिन B6 हुन्छ, जसले पाचन र मुटुको स्वास्थ्यलाई सहयोग गर्छ। उपवासको समयमा यो खाँदा लामो समयसम्म पेटमा समस्या हुँदैन ।
स्याउ: स्याउमा फाइबर र भिटामिन सी राम्रो मात्रामा पाइन्छ । जसले प्रतिरक्षा प्रणालीलाई बलियो बनाउन मद्दत गर्छ। याे स्वादले मात्र होइन शरीरलाई हाइड्रेटेड राख्न पनि निकै उपयाेगी छ ।
मेवा : मेवामा भिटामिन सी, भिटामिन ए र फाइबर प्रशस्त मात्रामा पाइन्छ । यसमा प्यापेन नामक इन्जाइम हुन्छ, जसले पाचन प्रक्रियामा मद्दत गर्छ । मेवा खाँदा पेट सफा रहन्छ र व्रतको समयमा पोषण पनि मिल्छ ।
अंगूरः अंगूरमा एन्टिअक्सिडेन्ट प्रशस्त हुन्छ, जसले शरीरलाई स्वस्थ राख्न मद्दत गर्छ । यसमा प्राकृतिक चिनी हुन्छ, जसले उपवासको समयमा तत्काल ऊर्जा प्रदान गर्दछ। अंगूरको सेवनले तपाईलाई हाइड्रेटेड पनि राख्छ।
नाशपाती: नाशपाती फाइबरको ठूलो स्रोत हो, जसले लामो समयसम्म भोक नलाग्न मद्दत गर्छ। यसमा भिटामिन सी र के पनि पाइन्छ । जुन छालाको स्वास्थ्य र हड्डीको स्वास्थ्यका लागि फाइदाजनक हुन्छ। नाशपातीको सेवनले पेट सन्तुष्ट रहन्छ । एजेन्सीबाट
