काठमाडौँ । प्रधानमन्त्री शेरबहादुर देउवा र राष्ट्रपति विद्यादेवी भण्डारी बीच बिहीबार भेटवार्ता भएको छ ।
उनी दिउँसो राष्ट्रपति भेट्न उनकै निवास पुगेका थिए ।
उनीहरुबीचको भेटमा राष्ट्रपति भण्डारीले स्थानीय तहको निर्वाचन समयमै गराउन प्रधानमन्त्री देउवालाई आग्रह गरेकी थिईन् ।
त्यस्तै प्रधानमन्त्री देउवाले एमालेले संसद अवरोध गरेको विषयलाई राष्ट्रपतिलाई ध्यानाकर्षण गराएका थिए । उनले एमाले अध्यक्ष केपी शर्मा ओलीलाई सदन अवरोध नगरिदिन पहल गरिदिन राष्ट्रपतिलाई आग्रह गरेका थिए ।
संसद अवरोधको समस्यालाई हटाउन देउवा यसअघि एमाले अध्यक्ष केपी शर्मा ओलीनिवास बालकोट पुगेका थिए ।
सभामुख अग्निप्रसाद सापकोटाको भूमिकालाई लिएर प्रमुख प्रतिपक्ष एमालेले गएको साउनदेखि निरन्तर सदन अवरोध गर्दै आएको छ।