काठमाडौं । प्रदेशसभाअन्तर्गतको बझाङ–१(१)को उपनिर्वाचनको मतगणना जारी छ । जारी मतगणनाको परिणाममा एमाले र कांग्रेसबीच रोचक प्रतिस्पर्धा देखिएको छ ।
२६ हजार २१८ मत गन्दा एमालेका दमनबहादुर भण्डारीले ९ हजार ८८९ मत ल्याउँदै अग्रता लिएका छन् भने उनलाई कांग्रेसका अभिषेक बहादुर सिंहल ९ हजार ८८० मतसहित पछ्याइरहेका छन् । भण्डारी र सिंहबीचको मतान्तर जम्मा ९ मतको छ ।
यसअघिको लगातार सिंहले अग्रता लिइरहेका थिए ।
पछिल्लो मतपरिणामअनुसार बझाङ–१(१)मा माओवादी केन्द्रका जनकबहादुर बुढाले ३ हजार ६६३ मत पाएका छन् भने एकीकृत समाजवादीका दिलबहादुर सिंहले २ हजार ४०५ मत पाएका छन् ।
प्रतिक्रिया दिनुहोस्
