काठमाडौं । नेपाली बजारमा सुनचाँदीको मूल्य फेरि बढेको छ । सोमबारको तुलनामा मंगलबार केही सयले घटेको मूल्य फेरि बुधबार बढेको हो ।
नेपाल सुनचाँदी व्यवसायी महासंघका अनुसार मंगलबारको तुलनामा बुधबार सुनको मूल्य तोलामा एक हजार रुपैयाँले बढेको छ । मूल्य बढेसँगै बुधबार छापावाल सुनको मूल्य प्रतितोला एक लाख ३८ हजार चार सय रुपैयाँ र तेजाबी सुन प्रतितोला एक लाख ३७ हजार ७५० रुपैयाँ कायम भएको छ ।
सुनको मूल्य बढिरहँदा चाँदीको मूल्य पनि बढेको महासंघले जनाएको छ । बुधबार चाँदी प्रतितोला एक हजार ७४५ रुपैयाँ रहेको महासंघले जनाएको छ ।
अन्तराष्ट्रिय बजारमा सुनचाँदीको मूल्यमा भइरहेको उतारचढावको प्रभाव स्थानीय बजारमा परेको परेसँगै मूल्य घटबढ भइरहेको महासंघले जनाएको छ ।
प्रतिक्रिया दिनुहोस्
