काठमाडौँ । कोरोना संक्रमितको संख्या दिनप्रतिदिन बढ्दै गएपछि काठमाडौँ उपत्यकामा कडाई गरिने भएको छ ।
मंगलबार काठमाडौं, ललितपुर र भक्तपुरका प्रमुख जिल्ला अधिकारीहरुको बैठकले स्मार्ट लकडाउनसहित कडाइ गर्ने निर्णय गरेको थियो ।
प्रशासनले विभिन्न आदेशहरू जारी गरेको छ । अर्को सूचना नआउने बेलासम्म भीडभाड तथा राजनीतिक गतिविधिमा रोक लगाइएको छ ।
त्यस्तै सरकारले सार्वजनिक ठाउँमा २५ जना भन्दा बढी भेला पाइने छैन । सार्वजनिक स्थलमा जाँदा माघ ७ देखि खोप लगाएको कार्ड देखाउनुपर्ने नियम लागु गरिएको छ । यस्तै माघ १५ सम्म विद्यालय बन्द रहने भएका छन् ।
तर पूर्वनिर्धारित सेमेस्टर तथा वार्षिक परीक्षाहरूको हकमा भने स्वास्थ्य मापदण्ड प्रयोग गरेर संचालन गर्न पाइने छ ।