काठमाडौं । साताको पहिलो कारोबार दिन सुनको मूल्य प्रतितोला ४०० रुपैयाँ बढेको छ । योसँगै आइतबार छापावाला सुनको मूल्य एक लाख ३७ हजार ६०० रुपैयाँमा कारोबार भइरहेको छ ।
नेपाल सुन चाँदी व्यवसायी महासंघका अनुसार आइतबार तेजाबी सुनको मूल्य एक लाख ३६ हजार ९५० रुपैयाँमा कारोबार भइरहेको छ । शुक्रबार प्रतितोला तेजाबी सुनको मूल्य एक लाख ३६ हजार ९५० रुपैयाँमा कारोबार भएको थियो ।
यस्तै, आज चाँदी प्रतितोला एक हजार ६६० रुपैयाँमा कारोबार भइरहेको छ । शुक्रबार चाँदी प्रतितोला एक हजार ६७५ रुपैयाँमा कारोबार भएको थियो ।
अन्तर्राष्ट्रिय बजारमा हुने कारोबारका आधारमा नेपालमा सुनचाँदीको मूल्य निर्धारण गर्ने गरिएको छ । अन्तर्राष्ट्रिय बजारमा आइतबार सुन प्रतिऔंस दुई हजार ३३७ दशमलव ९३ डलरमा कारोबार भइरहेको छ ।
प्रतिक्रिया दिनुहोस्
