काठमाडौँ । नेपाल कम्युनिस्ट पार्टी एकीकृत समाजवादी पार्टीका नेता माधवकुमार नेपालले ओलीले पार्टीमा षड्यन्त्र गरेका कारण आफूहरुले नयाँ पार्टी खोलेको आरोप लगाएका छन् ।
मंगलबार पत्रकारहरुसँग कुरा गर्दै नेता नेपालले यस्तो बताएका हुन् । ओली लामो समयसम्म पनि नसुध्रेको उल्लेख गर्दै उनले भने ‘घर न घाटको हुने अवस्था देखिएपछि नयाँ पार्टी बनाउने विषयमा छलफल भयो, केही सहमत हुनुभयो ।’
त्यस्तै उनले केही नेताहरुले पार्टी नफुट्ने तरिकाले अगाडी बढ्न सुझाव दिएको उल्लेख गरेका छन् ।
‘ओलीकोसामु घुँडा टेकेर बस्नुपथ्र्याे’, उनले भने, घुँडा टेकेर बस्न नसक्ने भएपछि नयाँ पार्टी खोल्नु परेको हो ।’अब आफ्नो पार्टीले अरु वामपन्थी दलहरुसँग एकता गरेर मुलुक र जनताको हितमा काम गर्ने उनको भनाइ छ ।
एमालेबाट विभाजन भएर नेता नेपालले नेकपा एकीकृत समाजवादी दल दर्ताका लागि निर्वाचन आयोगमा निवेदन दिएका छन् । आयोगले भोलि बुधबार सनाखतका लागि उनीहरुलाई कार्यालयमा बोलाएको छ ।
