काठमाडौँ । बुधबार बिहानै एक कलेज जान लागेका विद्यार्थीको ट्याक्टरको ठक्करबाट मृत्यु भएको छ ।
पूर्वपश्चिम राजमार्ग अन्तर्गत मोरङको उर्लाबारी ३ स्थित सोल्टी पुलमा मृत्यु भएको हो ।
प्रदेश १-०१-०१२ प ७१५२ नम्बरको मोटरसाईकलबाट नेपाल दर्शन कलेज गइरहेका उर्लाबारी ७ का निश्चल बानियाँलाई को २ त ८२९६ नम्बरको ट्याक्टरले ठक्कर दिँदा मृत्यु भएको बताइएको छ ।
बिपरित दिशाबाट आउँदै गरेको ट्याक्टरको ठक्करबाट २१ वर्षिय बानियाँको घटनास्थलमै मृत्यु भएको इलाका प्रहरी कार्यालय उर्लाबारीले जनाएको छ।