काठमाडौं । यो साता नेपाली बजारमा सुनको मूल्यमा भारी गिरावट आएको छ । गत साताको शुक्रबारको तुलनामा यो साता अन्तिम कारोबार दिनसम्म आइपुग्दा सुनको मूल्य प्रतितोला २४ सय रुपैयाँले घटेको हो ।
नेपाल सुनचाँदी व्यवसायी महासंघकाअनुसार गत साताको शुक्रबार छापावाल सुनको मूल्य तोलामा एक लाख ३९ हजार ३०० रुपैयाँ थियो । यो साताको शुक्रबारसम्म आइपुग्दा एक लाख ३६ हजार ९०० रुपैयाँ कायम भएको छ ।
गत साताको शुक्रबार तोलामा एक लाख ३८ हजार ६५० रुपैयाँ कायम तेजाबी सुनको मूल्य यो साताको शुक्रबार एक लाख ३६ हजार २५० रुपैयाँ कायम छ ।
सुनको मूल्यले यो साता नेपाली बजारमा ऐतिहासिक कीर्तिमान बनाएर गिरावट भएको हो । यस्तै, चाँदीको मूल्य ५५ रुपैयाँले बढेको छ । गत साताको शुक्रबार १८ सय रुपैयाँमा कारोबार भएको चाँदीको मूल्य या साता १८ सय ५५ रुपैयाँ कायम भएको छ ।
प्रतिक्रिया दिनुहोस्
