![सुनको मूल्यमा नयाँ रेकर्ड, तोलाको ९८ हजार पाँच सय](https://www.sutranews.com/wp-content/uploads/2020/07/1594535476-Vl2ZQ.jpg)
![सुनको मूल्यमा नयाँ रेकर्ड, तोलाको ९८ हजार पाँच सय](https://www.sutranews.com/wp-content/uploads/2020/07/1594535476-Vl2ZQ.jpg)
काठमाडौं– सुनको मूल्यले दिनहुँ नयाँ रेकर्ड राख्ने क्रममा बुधबार झन्डै एक लाख रुपैयाँ नजिक पुगेको छ। आज प्रतितोला ९८ हजार ५ सय पुगेर सुनको मूल्यले नयाँ रेकर्ड कायम गरेको हो ।
मंगलबार प्रतितोला ९८ हजार २ सयमा कारोबार भएको सुन तीन सयले बढेर नयाँ रेकर्ड कायम भएको हो । आज चाँदीको मूल्य पनि २० रुपैयाँले घटेर १२ सय २५ रुपैयाँमा पुगेको सुनचाँदी व्यवसायी महासंघले जनाएको छ ।
मंगलबार चाँदीको मूल्य १२ सय ४५ रुपैयाँ प्रतितोलामा कारोबार भएको थियो । बुधबार अन्तर्राष्ट्रिय बजारमा सुन प्रतितोला १९ सय ५१ अमेरिकी डलरमा कारोबार भइरहेको छ।