काठमाडौं–नेपालमा थप एक सय १ जनामा कोरोना संक्रमण पुष्टि भएको छ भने २ सय ८५ जना डिस्चार्ज भएका छन्।
स्वास्थ्य तथा जनसंख्या मन्त्रालयका प्रवक्ता जागेश्वर गौतमले नियमित ब्रिफिङमा विगत २४ घण्टामा ४ हजार ६ सय ८८ पिसिआर नमूना परीक्षण गर्दा एक सय १ जनामा कोरोना संक्रमण पुष्टि भएको जानकारी दिए।
योसँगै नेपालमा संक्रमित हुनेहरुको संख्या १७ हजार ४ सय ४५ पुगेको छ भने मृत्यु हुनेको संख्या ४० पुगेको छ।
त्यस्तै विभिन्न अस्पतालबाट ११ हजार ५ सय ३४ जना निको भई डिस्चार्ज भएका छन्। मन्त्रालयका अनुसार अहिलेसम्म ६६.१२ प्रतिशत कोरोना संक्रमित निको भई घर फर्किएका छन्।
मन्त्रालयका अनुसार क्वारेन्टीनमा रहनेको संख्या २२ हजार ७ सय ५६ पुगेको छ भने ५ हजार ८ सय ७१ आइसोलेसनमा रहेका छन्।
प्रतिक्रिया दिनुहोस्
