काठमाडौं । नेपाली बजारमा आज सुनको मूल्यमा गिरावट भएको छ । चाँदीको मूल्य भने बढेको छ ।
नेपाल सुनचाँदी व्यवसायी महासंघका अनुसार आज सुनको मूल्य ७०० रुपैयाँले घटेको हो । जसअनुसार छापावाल सुनको मूल्य तोलामा एक लाख ३७ हजार ४०० रुपैयाँ र तेजाबी सुनको मूल्य तोलामा एक लाख ३६ हजार ७५० रुपैयाँ कायम भएको छ ।
यसअघि सोमबार सुन तोलामा एक लाख ३८ हजार १०० र तेजाबी सुनको मूल्य तोलामा एक लाख ३७ हजार ४५० रुपैयाँमा कारोबार भएको थियो ।
आज चाँदीको मूल्य बढेको छ । महासंघका अनुसार चाँदीको मूल्य तोलामा २५ रुपैयाँले बढेको हो । योसँगै आज चाँदीको मूल्य तोलामा १७ सय ४० रुपैयाँ कायम भएको छ ।
प्रतिक्रिया दिनुहोस्
