![gold_price_increase](https://www.sutranews.com/wp-content/uploads/2023/10/gold_price.jpg)
![फेरि बढ्यो सुनको मूल्य, कति पुग्यो आजको मूल्य ?](https://www.sutranews.com/wp-content/uploads/2023/10/gold_price.jpg)
काठमाडौं । नेपाली बजारमा आज सुनको मूल्य वृद्धि भएको छ । नेपाल सुन चाँदी व्यवसायी महासंघका अनुसार आज सुनको मूल्य प्रतितोला ७०० रुपैयाँले बढेको हो ।
मूल्य बढेसँगै आज छापावाला सुनको मूल्य प्रतितोला एक लाख ३९ हजार ३०० रुपैयाँ पुगेको छ । बिहीबार ६०० रुपैयाँले गिरावट भएर एक लाख ३८ हजार ६०० रुपैयाँ कायम भएको थियो ।
यस्तै, आज तेजाबी सुनको मूल्य एक लाख ३८ हजार ६५० रुपैयाँ पुगेको छ । बिहीबार तेजावी सुनको मूल्य प्रतितोला एक लाख ३७ हजार ९५० रुपैयाँ थियो ।
आज चाँदीको मूल्य पाँच रुपैयाँले वृद्धि हुँदै एक हजार ७२० रुपैयाँमा कारोबार भइरहेको छ । बिहीबार तोलाको एक हजार ७१५ रुपैयाँमा कारोबार भएको थियो ।